ПАЛАЖЭННЕ

аб настаўніцка-бацькоўскім патрулі

ДУА "Ахоўская сярэдняя школа" Пінскага раёна

1. Агульныя палажэнні:

1.1 настаўніцка-бацькоўскі патруль (далей – патруль) з'яўляецца добраахвотным аб'яднаннем грамадзян, які створаны з мэтай прафілактыкі і папярэджання правапарушэнняў, антыграмадскіх дзеянняў непаўналетніх пры падтрыманні парадку, а таксама для фарміравання законапаслухмяных паводзін непаўналетніх;

1.2 дзейнасць патруля заснавана на прынцыпах добраахвотнасці, раўнапраўя, законнасці, павагі правоў і свабод чалавека;

1.3 у сваёй дзейнасці патруль кіруецца Законам аб правах дзіцяці, нарматыўнымі прававымі актамі Рэспублікі Беларусь, дадзеным Палажэннем;

1.4. патруль у сваёй дзейнасці ўзаемадзейнічае з работнікамі ўстановы культуры, сельвыканкама, праваахоўнымі органамі, добраахвотнымі дружынамі па ахове грамадскага парадку, сацыяльна-педагагічнай і псіхалагічнай службай, класнымі кіраўнікамі;

1.5 дзейнасць патруля ажыццяўляецца ў адпаведнасці з гадавым планам работы ўстановы адукацыі і ўстановы культуры.

2. Асноўныя функцыі патруля:

2.1. удзел у падтрыманні парадку падчас правядзення розных масавых мерапрыемстваў, дыскатэк ва ўстанове агульнай сярэдняй адукацыі і ўстанове культуры;

2.2. удзел у папярэджанні безнагляднасці, беспрытульнасці, перавапарушэнняў і антыграмадскіх дзеянняў непаўналетніх;

2.3. папярэджанне і спыненне правапарушэнняў і антыграмадскіх дзеянняў непаўналетніх, выяўленне і ліквідацыя прычын і ўмоў, якія спрыяюць гэтаму;

2.4. выяўленне і спыненне выпадкаў далучэння непаўналетніх у здзяйсненне злачынстваў і антыграмадскіх дзеянняў;

2.5. удзел у аказанні неадкладнай дапамогі асобам, якія пацярпелі ад няшчасных выпадкаў або правапарушэнняў, а таксама знаходзяцца ў грамадскіх месцах у бездапаможным стане;

2.6. ажыццяўленне кантролю за выкананнем заканадаўчых актаў непаўналетнімі.

3. Парадак фарміравання і арганізацыі работы патруля:

3.1. членамі патруля з'яўляюцца педагогі, бацькі, якія па сваіх маральных, дзелавых якасцях і стане здароўя здольныя выконваць прынятыя на сябе абавязкі;

3.2. патруляванне ажыццяўляецца ў вячэрні час падчас правядзення культурна-масавых мерапрыемстваў да 22.00 гадзін;

3.3. інфармацыю аб выніках патрулявання ажыццяўляць на аператыўных нарадах пры дырэктару (па неабходнасці).

4. Абавязкі і правы членаў патруля.

4.1. Пры выкананні функцый па ўдзелу ў падтрыманні правапарадку кожны член патруля абавязаны:

4.1.1. актыўна ўдзельнічаць у папярэджанні і спыненні правапарушэнняў і антыграмадскіх дзеянняў непаўналетнімі, выяўленне і пасільную ліквідацыю прычын, умоў, якія спрыяюць гэтаму пры падтрыманні парадку;

4.1.2.  быць тактоўным, ветлівым, уважлівым у зносінах з грамадзянамі;

4.1.3. праводзіць прафілактычную работу з непаўналетнімі, якія дапускаюць ўжыванне спіртных напояў, наркатычных сродкаў і ў барацьбе з курэннем непаўналетніх;

4.1.4. паведамляць прадстаўнікам праваахоўных органаў, бацькам непаўналетніх, адміністрацыі школы вядомыя факты, звесткі аб злачынствах, правапарушэннях непаўналетніх, якія падрыхтоўваюцца і здзяйсняюцца; іх знаходжанне ў начны час пасля 22.00 на вуліцы, дыскатэцы.

4.2. Пры выкананні функцый па ўдзелу ў ахове правапарадку кожны член патруля мае права:

4.2.1. патрабаваць ад непаўналетніх выканання правапарадку, спынення правапарушэнняў або дзеянняў, якія перашкаджаюць выкананню ім функцый члена патруля;

4.2.2. пры спыненні правапарушэнняў адбіраць ва ўстаноўленым парадку ў правапарушальнікаў, у адсутнасці супрацоўнікаў праваахоўных органаў, прылады здзяйснення правапарушэнняў ці іншыя прадметы, пакіданне якіх у правапарушальніка можа пагражаць асабістай бяспецы члена патруля або іншых асоб з наступнай перадачай такіх прадметаў супрацоўнікам праваахоўных органаў;

4.2.3. карыстацца бясплатна тэлефонамі і іншымі сродкамі сувязі, якія належаць юрыдычным асобам і ўстаноўлены ва ўстанове культуры, для сувязі з праваахоўнымі органамі ў выпадках, якія нельга адкладаць.